Elizondoko plazatik hasita Baztan uhaldeari jarraiki Elbeteko errotaren ondoan akitu zuten ibilaldia eta tartean martin-arrantzalea, kaskabeltza, ur-zozoa, usapala, piro arrunta, enarak eta miru-gorria ikusi edo entzuteko aukera izan zuten.
Hegaztien behaketa eta entzuketa erranairu zaharrekin lagundu zituzten, maiz aski hegaztien ikustea sasoiak iragartzen dituelako edo eguraldiarekin zerikusia duten gertakariak.
Modu berean migratzen duten hegaztiei buruz mintzatu ziren eta klimaren aldaketarengatik, gertatu daitekeela beren jana diren intsektuen ernaldia eta hegaztien joan-etorriena bat ez etortzea eta horrek, hainbertze espezieren biziraupena kinkan uzten ahal duela.
Igandeko itzulixkaz gain martxoan Txoriekin solasean ibilaldia antolatu zuten Baztango Talde Ekosozialak eta Amezti elkarteak. Ordukoan Mikel Olano basozaina etorri zen, Aranzadi zientzia elkarteko ornitologoa, Isasi eta Valdes bezala.
