Ekaitz Goikoetxea
Euskal bertsolari eta bertso-jartzailea da, Euskal Filologia ikasi zuen eta euskara irakaslea da. Arlo aunitz landu dituen sortzailea da; bertso mundutik hasi zen, eta azken urteotan, bertso-paperak eta aforismoak lantzen aritu da, baita sari mordoa irabazi ere. Horrez gain, Trans-formatzen dokumentalaren egile izan da Garazi Zabaleta eta Aitor Lanasekin batera eta Huntza taldearentzat hainbat abesti idatzi ditu.
Gaur egun, Popatik bandako kide da, Kimua Dantza Kolektiboko dantzariekin GenEroa emanaldia eta Josu Maroto marrazkilariarekin Balio erantzia erakusketa aurkezten ari da herriz herri. Aforismo liburu batekin datorkigu oraingoan, berezkoa duen zorroztasun eta sentikortasuna lagun.