Baztango Udalak eta Cederna Garalurrek udaberriko feria antolatu dute bertze behin Elizondon, apirilaren 14an.
10:00etan hasiko da egitaraua azienda feriarekin Merkatuko plazan eta XXIII. Ahari lehiaketa ospatuko dute aurten. Ordu eta leku berean artisauen eta bertako produktuen merkatua ere eginen dute ekoizleek. 11:00etan txistulariak izanen dira, eta 11:30etik 13:30etara haurrendako tailerrak. 12:00etan Baztango Dantzari Ttikien emanaldia izanen da, eta 12:15ean urteko ardi gasnaren mozketa ekitaldia abiatuko da. 12:30ean bertako produktuen dastaketa egiteko aukera izanen da eta egitaraua borobiltzeko, lehiaketako sari banaketa eginen dute 13:00etan.