Gorosti natur zientzia elkarteak inguruko landareak ezagutzeko ikastaroa antolatu du Elizondon. Ikastaroa Arizkunenean izanen da eta hiru saio izanen ditu; apirilaren 15ean, 18an eta 22an.
Apirilaren 15ean, larunbata, goizean elkartuko dira. 10:00etan saio teorikoa izanen da, eta landareen identifikazioaz eta Observado herritarren zientziarako plataformaz arituko dira. 11:30ean, berriz, saio praktikoa eginen dute ibilbide batean landareak aztertuz eta Observado aplikazioa erabiliz.
Apirilaren 18an, asteartea, saio teorikoa izanen da 18:00etatik 20:00etara. Bertan, landareak identifikatzeko baliabideak landu eta Observado plataformak eskaintzen dituen aukerak ikusiko dituzte.
Apirilaren 22an, larunbata, ikasitakoa praktikan jartzeko eguna izanen da. Ateraldia eginen dute 10:00etatik 13:00etara naturako leku batera landareen inbentarioa egitera.
Ikastaroa debalde izanen da eta plaza mugatuak izanen ditu. Izena emateko eta edozein zalantza argitzeko eskuragarri dago gorostilandare@gmail.com helbide elektronikoa.