Bihar, apirilaren 1ean, mendi buelta eginen dute Usurbilen, bertako gazte asanbladarekin batera. Apirilaren 22an, berriz, Erdiz Bizirik plataformak Iruñean deitutako manifestaziora joanen dira. Hilaren 28an Iruritan izanen dira, Irakurle taldeak antolatutako Bihurguneko nasa liburuaren aurkezpenean, Uxue Apaolazaren eskutik, Kaiola elkartean 18:00etan. Apirilaren 29an, berriz, Celos, toxicidad y ética en las relaciones tailerra izanen dute gaztetxean 11:00etan Mikel Abaurrearen eskutik.
Maiatzeko ere bi hitzordu izanen dituzte Baztango gazteek; hilaren 6an poesia errezitaldia izanen dute gaztetxean eta maiatzaren 20an frontenis txapelketa antolatuko dute. Gaztetxeko kideek jarduera hauetan parte hartzera animatu dituzte herritarrak.