Elizondoko Lanbide Eskolak adierazi duenez, «zentroko irakasle klaustroak eskola jasangarriago bateranzko konpromiso zehatzak hartu zituen otsailaren 27an. Konpromiso hauen helburua eskolako komunitatearen artean Baztan-Bidasoko errealitatea ezagutaraztea eta produktuak sustatzea da. Alde batetik, bertako enpresetan erosketak egitea lehenetsi dugu. Bertzetik, bertako ingurunea, errealitatea, kultura, enpresak eta produktuak ezagutarazteko jarduerak antolatzeko konpromisoa hartu dugu. Azkenik, berrerabilpena eta soberakinak eskolako kideen artean elkartrukatzeko jarduerak antolatuko ditugu».
Honez gain, «eskualdeko gainontzeko erakunde eta zerbitzu publikoak jasangarritasunaren aldeko pausoak ematen segi dezaten animatzen ditugu eta bide horretan elkarlanerako gure prestutasuna azaltzen dugu».