Baztango Udalak lau udal lanposturako deialdia zabaldu du; hiru zerbitzu anitzetan eta mendi lanetan aritzeko eta bertzea sasiak mozteko traktorea gidatzeko. Kontratuek sei hilabeteko iraupena eta D mailako ordainsaria izanen dute, eta hautaproben bitartez aukeratuko dituzte langileak.
Izangaiek ondoko baldintzak bete beharko dituzte izena eman ahal izateko:
-
Eskolako graduatuaren titulua edukitzea.
-
Langabezian egotea eta Nafarroako Enplegu Zerbitzuari atxikitako Enplegu Agentziaren batean enplegu eskatzaile gisa izena emanda egotea.
-
Euskara maila ziurtatzea, C1 maila ahozkoan. Maila ziurtatzeko agiririk izan ezean, mailaketa proba eginen da.
-
B1 motako gidabaimena edukitzea.
- Nortasun agiri nazionala, eskatzen den titulazio akademikoa eta ikastaroen eta lan esperientzien ziurtagiriak aurkeztea.
Eskabideak martxoaren 31ko 14:00ak arte aurkezten ahalko dira udaletxeko bulegoetan. Deialdiak eta eskabideak eskuragarri daude baztan.eus webgunean.