Baztango fauna hobe ezagutze aldera, Amezti elkarteak eta Talde Ekosozialak hegaztiei buruzko bi hitzordu antolatu dituzte martxoan eta apirilean.
Martxoaren 18an 'Txoriekin solasean' ikastaroa aurkeztuko du Mikel Olanok, Elizondoko Amezti elkartean 10:00etan. Aranzadi Zientzia Elkarteko ornitologoa eta basozaina da Olano, eta bi euro ordaindu beharko dira ikastarorako.
Apirilaren 23an, berriz, 'Baztango hegaztien eta kulturaren arteko loturak: begirada ekologikoa' ibilaldia eginen dute. 11:00etan Elizondoko plazatik abiatuko dira, eta Gorka eta Marcos biologoek emanen dituzte azalpenak.