Baztango Liburutegi Publikoak 'Amak gara behe-laino artean' mahai-ingurua antolatu du heldu den asteartean, otsailaren 28an 18:00etan. Hiru emakumeren testigantzak bilduko ditu ekitaldiak: Maitane Maritorena ama bakarra, Nuria Idoate harrera ama eta Marian Zestau hautuz ama ez dena. Ixabel Aleman amaiurko emagina izanen da moderatzailea.
Mahai-inguruan gaiari buruz iruditegi kolektiboan nagusitzen den ideiari hainbat ikuspegitatik helduko diote, «ama izateko edo ez izateko modu eta arrazoi aunitz daudelako; bakoitzak eragin bat edo bertze izaten du norberaren bizitzan eta baita gizarte mailan ere». Gehiago jakiteko edo edozein ekarpen egiteko, herritarrak liburutegira hurbildu daitezke.