Joan den abenduan Olaia Inziarte artista oronoztarrak bere lehenbiziko bakarkako diskoa kaleratu zuen, Lehengo Lepotikan Burua. Lanak arrakasta haundia izan du, eta aurtengo Gaztea sarietarako proposatua izan da Inziarte. Hiru kategoriatan izendatu dute; Talde edo bakarlari berri onena, Disko onena eta Abesti onena (Olatz Salvadorren kolaborazioarekin egindako Behe klasekoak kantarengatik).
Irabazleak bozketa bidez aukeratuko dituzte, eta horretarako eskuragarri dago Gaztea sariak webgunea. Gaurtik hasita, otsailaren 22ra arte bozkatzen ahalko da eta martxoaren 2an izanen da aurtengo gala, Bilboko Euskalduna Jauregiko Urban Hall espazioan.