Elizondo eskolako ikasle eta irakasleak eskolako baratze inguruan bildu dira eta aitzurrekin lurra kolpatuz, Amalurrari dei eginez, lurra ernatzen lagundu dute. Pirritx eta Porrotxen Oles-oles kantak lagunduta kantu kantari, kolpeka eta irrintzika aritu dira.
Ondoren, urteko lehenbiziko hazia ereiteko probestu dute. Ikasle bakoitzak beren hazia erein du eta hau zaintzeaz arduratu beharko dira aitzinerago baratzean landatzeko.