Egitarau zabala
Otsaileko lehen asteburua mugitua izanen da Anizen, dudarik gabe. Izan ere, otsailaren 3an, ortziralean ailegatzen direnendako afaria antolatua dute Anizko Mendiarte elkartean.
Otsailaren 4an, larumbatean 09:00etan hasiko dira topaketekin. 09:30ean Nafarroan sektorearen egoera zertan den azalduko dute eta 09:45ean solasaldiak izanen dituzte komertzializazioaren egoeraz, lanaren kudeaketaz eta bertze zenbait gaiei buruz. Kafea hartzeko tartearen ondotik, 11:45ean ondorioak azalduko dituzte. 14:15ean bazkaria izanen dute Mendiarte jatetxean, 16:00etan Jauregia Esnekiak bisitatuko dute eta 18:00etan eginen dute AGALVE elkartearen batzarra. 21:00etan afaria izanen dute Lekarozko Larraldea sagardotegian.
Otsailaren 5ean, igandean 08:30ean INTIA erakundeak Orreagan duen ustiategia bisitatzera aterako dira. Kafearen ondotik, Orreagako ustiategia bisitatuko dute eta Orreagan topaketaren ondorioak elkarbanatuko dituzte. Akitzeko, 14:30ean bazkaria eta topaketen akabaila izanen dituzte.