20 urte ditu Karrikaburuk eta Espainiako 21 urtez beheitiko selekzioarekin ere aritu da. Baztan futbol taldean hasi ondotik, Donostiako Real Sociedad taldeko harrobian aritu da infantil mailatik. Realaren bigarren taldeak bigarren mailara igotzea lortu zuenean, 2020-21 denboraldian, erabakigarria izan zen Karrikaburu eta bigarren mailako debutean gola sartu zuen, Leganesen kontra preziski, Xabi Alonsoren erranetara. Bigarren mailako denboraldi horretan, 2021-22 denboraldian, hamaika gol egin zituen bigarren taldearekin eta lehen taldearekin debuta egin zuen Europa Ligan, Monaoren kontra.
Denboraldi honetan Realaren lehen taldean gutti aritu da. Hamabi partida jokatu ditu, sei ligan, lau Europa Ligan eta bi Erregearen kopan eta bi gol sartu zizkion azken konpetizio honetan Coria taldeari.
Leganésen 19 zenbakiarekin jokatuko du Imanol Idiakez, Realeko jokalari ohiaren erranetara.