Herritarren etxebizitza beharren egoera ezagutzeko inkesta anonimoa zabaldu du Baztango Udalak

Baztango Udalak etxebizitzaren problematika konpontzeko prozesuarekin aitzinerat segitzen du, eta horretarako bailarako etxebizitza eskaera ezagutzeko udal inkesta zabaldu du. Galdetegia anonimoa da, eta bertzeak bertze, behar dituzten etxebizitza mota, prezioa, erabilera, kokapena eta tamaina zehaztu ditzakete herritarrek. Inkesta urtarrilaren 21era arte betetzen ahalko da eta eskuragarri dago baztan.eus webgunean.