Elizondoko Txokoto ostatuak egitarau kulturala prestatu du urtarrilerako eta hiru ekitaldi antolatu ditu igandeetan, hiruak debalde:
- Urtarrilaren 15ean Maddi Ane Txoperena kazetari, bertsolari, eleberrigile eta ekintzaile feministak Ez erran inori liburua aurkeztuko du. 19:30ean izanen da hitzordua eta Pitxi musikariak gitarrarekin lagunduko dio.
- Urtarrilaren 22an Guille Joveren kontzertu akustikoa izanen da 19:30ean. Historiaz, hausnarketaz eta herrien erresistentziaz solastatzen da musikaria bere abestietan.
- Urtarrilaren 29an Izaskun Igoa olerkari zigatarrak poesia errezitaldia emanen du 19:30ean.