Joan den denboraldian igoera lortu ondotik, euskal ligako lehen mailako lehen fasean ez du suerte handirik izan BRT Menditarrak errugbi taldeak. Honela, jautsiera fasea jokatu beharko du eta larunbatean lehen partida irabaztea lortu zuen Lekarozen, Kanpanzar Arrasate Rugby Taldearen kontra (21-7).
Jautsiera fase honetan bortz talde ari dira lehian Azken sailkatuak maila galduko du eta azken aurrekoak play-offa jokatu beharko du.
BRT Menditarrak taldeak heldu den asteburuan Bilbon jokatu beharko du, Uni Bilbao Rugby taldearen kontra.
Hamasei urtez beheitiko taldeari dagokionez, urte berria Eibarren galduz hasi du AVK Bera Bera/Baztan RT taldeak. 39-22 galdu zuen Eibar RT taldearen kontra.