Abenduaren 24an Olentzero etorri zen herrirat. Urteroko gisara, herriari itzulia eman zion, herritar eta akordeoilariaren laguntzarekin. Etxez etxe jan eta edan ondoren, Olentzero agurtu eta afari goxoz bete ziren herritarren mahaiak.
Ondotik, Urtezahar eguna etorri zen. Goizeko mendi itzuliak eta gero, herritar andana elkartean bildu zen, 2022a batera agurtzeko asmotan. 2023a iristearekin batera, herriari itzulia eman zitzaion trikitixaren laguntzarekin.
Bestondoari tarterik utzi gabe, Urteberri eguna etorri zen eta harekin batera urtetxak biltzeko ohitura. Haurrak, mandarra gerrian, etxez etxe ibili ziren goxoki, giltxaur, mandarina eta sorpresak bilduz. Oraingoan ere, akordeoiaren musika lagun izan zuten.
Herrian Eguberriak akitutzat ematen diren arren, berehalaxe ailegatuko dira inauteriak! Ongi pasatzeko ez dago aitzaki faltarik!