Mattin Legarreak eta Mikel Argaratek irabazi dute Elizondoko Antxitonea trinketeko Onenak paleta txapelketa, larunbatean jokatutako final lehiatuan Josetxo Huarteri eta Abi Bengoetxeari irabazi ondotik (40-39). Hirugarren postua azken bi urteetako txapeldunek eskuratu zutebn, Ramuntxo Amestoik eta Arnaud Bergerot-ek, Miki Fernandez Laskoitiri eta Iñigo Ansori irabazita.
Jende aunitz bildu zen finala ikustera eta sarreran bildutakoa Elizondoko erraldoi eta buruhandien konpartsari emanen diote. Hori eskertuz, buruhandiek pasilloa egin zieten pilotariei eta beraiekin argazkia atera zuten.