Kalakan taldeko partaide izandako Thierry Biscaryk Kantu Herrikoiak Barnetik (arituendako) ikastaroa emanen du hirugarren urtez Elizondoko Arizkunenea Kultur etxean. Urtarrilaren 18an hasiko da ikastaroa eta martxoaren 22ra arte hainbat euskal kanta ikasi eta interpretatuko dituzte, asteazkenero 18:30etik 20:30era Arizkunenean.
Baztango Kultur Zerbitzuak antolatu du ikastaroa eta gaurtik ortziralera arte ematen ahalko da izena, kultura@baztan.eus helbidera idatziz edo 948 581 279 telefonora deituz 07:30etik 15:00etara. Matrikulatzeko 60 euro ordaindu behar dira.