Baztango Musikazale Elkarteak Zapatillera proiektua abiatu zuen joan den urtean Elbeteko zapatilen fabrika zaharrean, bailarako musikariek entseatzeko ez ezik, musika sortzeko eta kontzertuak emateko leku bat izan dezaten. Orain proiektuaren inaugurazio besta eginen dute eta hainbat kontzertu prestatu dituzte.
Azaroaren 5ean, larunbata, 18:00etan hasita, Pottoka, Occhi di Farfalla eta Zakill musikarien kontzertuak izanen dira. Sarrera debalde izanen da eta musikaz gain, mural margoketa eginen dute eta pintxoak ere izanen dira gerturatzen direnendako.
Azaroaren 20an, igandea, Mice eta Rüdiger taldeen kontzertuak izanen dira, 18:00etan baita ere. Sarrerak 5 eurotan erosten ahalko dira eta norberak bere edalontzia eramateko eskatu dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.