Goizean gazteak
Larunbat goizean ere errugbia ikusteko aukera izan zen Lekarozen, kasu honetan gazteenen eskutik. Hamalau urtez beheitikoak zazpinakako lehian aritu ziren eta etxeko taldea, Txingudi-BRT, bigarren izan zen. Ordizia A, Ordizia B eta Zarautz/Beltzak taldeen kontra irabazi egin zuen eta Bera Bera taldearen kontra galdu. Donostiarra izan ziren garaile, beraz. Hamasei urtez beheitikoen ligako lehen partida ere jokatu zuten Bera Bera-BRT eta Gaztedi taldeek. Partida borrokatuaren ondotik, gasteiztarrak nagusitu ziren, 19-25.