Giro ederrean ospatu dute Nekazalpunk besta Elizondon

Zapatillera proiektuak Nekazalpunk jardunaldia antolatu zuen larunbatean Elizondoko Merkatuko Plazan. Egun osoko egitaraua izan zuen; azoka, dokumental proiekzioa, musika, bazkaria… eta 18:00etan musika jaialdia hasi zen. Eskualdeko, Euskal Herriko, Kataluniako eta Madrilgo hamalau taldek parte hartu zuten eta balorazio «arras ona» egin dute antolatzaileek; «uste genuena baino jende gehiago hurbildu zen gauean».