Duela lau urte, Berrouet benta inguruan, Zugarramurdi ondoan baina Baztango eremuko bide baten erdian zegoen zuloan bizikletako gurpila sartu eta erori zen txirrindulariari 3.157 euroko kalte-ordaina ordaindu beharko dio Baztango udalak, zauritutako txirrindulariak eskatzen zuenaren erdia.
Epaiak dioenez, zuloak 55 zentimetro zabal, 70 zentimetro luze eta 9 zentimetro sakon zuen eta bizikletatik erori zen txirrindularia. 40 egun behar izan zituen sendatzeko eta bi urte lehenago erositako bizikleta hautsi zitzaion. Guzti horien kalte-ordain gisara 7.186,82 euro eskatu zizkion Baztango udalari eta epaitegiak partzialki onartu du eskaria eta eskatutakoaren erdia ordaintzera zigortu du Baztango udala.