Elizondoko Giltxaurdi Udal Kirol Instalazioak klaseak doan probatzeko jardunaldiak eginen ditu heldu den astean:
- Astelehena, irailak 5: jumping fitness klaseak izanen dira hainbat adineko gazteendako: 16:30etik 17:15era 7-9 urte tarterako, 17:15etik 18:30era 10-12 urte bitarterako eta 18:30etik 19:15era 13-15 urte bitarterako. 19:30etik 20:30era, berriz, pilates klasea izanen da.
- Asteartea, irailak 6: 18:00etatik 19:00etara step klasea izanen da eta 19:00etatik 20:00etara spinning.
- Asteazkena, irailak 7: 17:00etatik 18:00etara body hard klasea izanen da, 18:00etatik 19:00etara hit core eta 19:00etatik 20:00etara jumping fitness 16 urtetik goitikoendako.
- Ortziralea, irailak 9: 11:15etik 12:15era gorputz jarrera lantzeko klasea izanen da. Arratsaldean, berriz, 17:30etik 18:30era yoga klasea izanen da eta 18:45etik 19:30era mindfulness meditazioa.
Klaseen probetan izena emateko giltxaurdi@baztan.eus helbidera idatzi beharko da edo 948 452 301 telefonora deitu irailaren 2a baino lehen. Klaseak bete arte ematen ahalko da izena.