Elizondoko Herriak eta Entrevinos elkarteak antolatutz, Nafarroako jatorri izendapeneko ardoak lagunduta, Nafarroako Ardoaren Eguna ospatuko da igandean Elizondoko Foruen Plazan, Bizitzaren ttanttak lelopean.
Nafarroako upategiak ezagutarazi eta lurraldeko ardoa sustatzen ditu helburu jardunaldiak eta igande goizean, 11:45etik 14:30era, Nafarroako hamaika upategik parte hartuko dute. Hurbiltzen diren bisitariek bortz euro ordaindu beharko dituzte eta kopa bat jasoko dute. Horrekin, nahi haina ardo mota dastatzeko aukera izanen dute. Baztango Zaporeak elkarteak ere parte hartuko du eta ardoa edatearekin batera bertako kalitatezko jakiak probatzeko aukera ere izanen da. Baztango Xurie, Bodegas y Viñedos Monteabellon, Caudalia, Familia Belasco, Homenaje, Iñurrieta, Katxalin, Malon de Echaide, Marco Real, San Martin eta Valcarlos upategiek parte hartuko dute.