Nafarroako Gobernuko Herritarrekiko Harremanetako kontseilari Ana Ollo, Nafarroako Memoriaren Institutuko zuzendari Josemi Gastonekin batera, Otsondoko portuan izan da gaur goizean “Muga gotortua” gazteen boluntariotzako auzolandegia bisitatzen; bertan, Akitania Berria-Euskadi- Nafarroa Euroeskualdeko 14 eta 17 urte arteko hogeita bortz neska-mutil ari dira parte hartzen Nafarroako Pirinioetan frankismoaren garaiko bunkerrak aurkitu eta berreskuratzeko.
Gisa honetako hiru auzolandegi eginen dituzte uda honetan. Lehenbizikoa Erronkarin egin zuten uztailaren 1etik 15era eta Otsondon abuztuaren 1etik 15era egiten ari diren honen ondotik, abuztuaren 16tik 30era Beran eta Etxalarren eginen dute 18 eta 24 urte arteko gazteek.
Aitzinetik, eskualdean 2019ko udan bi txandan egin zituzten Erratzun, 2020an Berako Gartzinen eta 2021ean Lesakako eta Urkiagako gaineko bunkerrak garbitu, egopkitu eta katalogatu zituzten.