Urteroko ohiturari eutsiz, ekainaren 1ean Belate, Erdiz eta Lizartzuko bazkalekuetara sartu dituzte 700 bat behi azienda buru, udapasa. Gehienak, «500 inguru, Erdizen», Aitor Bazterrika mendizainak aipatu duenez. Irailaren 20ra arte egonen dira bazkaleku hauetan eta irailaren 21ean zaltabereek hartuko dute txanda. Argazkia: Alicia del Castillo
Behi-azienda batzuk BB seinalearekin (Baztan Bailara) markatzeko ardura izan zuen Aitor Bazterrika mendizainak. Bertze aziendek plastikozko marka edo krotala izaten dute, joare ondoan.
Behi bakoitzeko 34,29 euro kobratzen ditu Balleko Etxeak eta aretze bakoitzaren truke 29,36 euro. Zezenak ere eramaten dituzten abeltzainek beherapena izaten dute, «denendako mesede delako».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.