Ekainak 3 ortziralea, bezpera. 19:30ean altxaferoak izanen dira bestei hasmenta emateko. 20:00etan txopo goratzea eginen dute eta ondotik mutildantzak dantzatuko dituzte. 21:00etan baztan-zopak izanen dituzte eta kantu zaharrak kantatuko dituzte, eta ondotik dantzaldia izanen da Trikidantzen eskutik. Zopetako txartel guziak saldu dira dagoeneko eta gantorri autobus zerbitzua izanen da gauean.
Ekainak 4 larunbata, haur eta gazte eguna. Puzgarriak izanen dira herrian egun osoan. 14:00etan gazteen bazkaria eginen dute Aizkoan, 17:00etan txokolatada izanen da eta 17:30ean herri kirolak eginen dituzte amasarren kontra, Tukutuku txarangak alaiturik. 19:00etan paella txapelketa izanen da eta 21:00etan herri afaria. Eguna akitzeko, 00:00etan dantzaldia izanen da Bizpahiru pelau taldearen eskutik. Herri afariko txartelak salgai daude eta edozein berroetarrekin solastatuta eskura daitezke.
Ekainak 5 igandea, Mendekoste eguna. 10:00etan erraldoi eta gaiteroak herritik barna ibiliko dira eta 11:00etan meza nagusia eta luntxa izanen da plazan. Ondotik, Txaruta elkartearekin pilota partidak izanen dira. 18:45ean dantzaldia izanen dute Lau Haizetara taldearekin eta 21:00etan zingar jatea eginen dute kantu zaharrekin.
Ekainak 6 astelehena, zikiro eguna. Puzgarriak izanen dira herrian egun osoan. 11:00etan Berroetako XLVIII. Bizikleta Itzulia eginen da eta 12:00etan mus eta partxis txapelketa. 14:00etan zikiro jatea izanen dute Beñatek alaiturik eta 18:00etan herritarren arteko joko ikaragarriak eginen dituzte. 21:30ean zingar jatea eta kantak izanen dituzte eta bestak akitzeko 00:00etan gaixoa ni eginen dute.