Elizondoko Antxitonea trinketeko paleta goma txapelketako finalak jokatu zituzten larunbatean. Lehen mailako finalean, Mattin Legarreak eta Asier Gamiok 40-25 irabazi zieten Iñaki Iantziri eta Miker Argarateri. Aitzinetik, bigarren mailako finala jokatu zen eta honetan ere ez zen berdintasun handirik izan: Asier Jauregik eta Abi Bengoetxeak 40-23 irabazi zieten Iosu Gamio eta Mikel Igoari.
Aurtengo edizioan hemeretzi bikote aritu dira denera, hamar lehen kategorian eta bederatzi bigarrenean. Txapelketa borobiltzeko, ohi bezala, bazkari ederra izan zuten Antxitonean berean.