2016ko ekainean ireki zen Elizondoko Eroski, bertze supermerkatu bat zegoen lekuan. Juankar Mirandak hainbat urte daramatza Eroskirekin lanean, «hemengo nagusiek utzi behar zuten eta niri eskaini zidaten hartzea, eta pausoa ematea erabaki nuen». Negozioak ongi funtzionatzen du eta «arras kontent» daude, «badaude momentuak zailagoak direnak baina ezin gara kexatu».
«Bertako produktuak» saltzen dituzte; «Nafarroako produktuak ditugu, harategian bertako haragia eta Esarten egindako janariak ditugu, eta arraindegian produktu freskoak ekartzen ditugu egunero-egunero».
Eskaerak etxeetara eta landetxeetara dohainik eramateko zerbitzua ere badaukate. Izan ere, Elizondon landetxeekin «lan aunitz» egiten da eta Aste Santuan, udan eta Eguberrietan «jende pila bat ibiltzen da, eta turismoak aunitz laguntzen digu».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.