Junior mailako txirrindulariei zuzendutalo Euskal Herria sariketako bigarren proba jokatu zen larunbatean Amurrion, Amurrioko Sari Nagusia hain zuzen. Ohi bezala, Amurrio inguruko zirkuitu batean bortz itzuli eman behar izan zituzten txirrindulariek, hirugarren mailako Zaraobeko gaina koska nagusia zutela. Lizarte-Ermitagaña taldeko Iñaki Ordoki Sansiñena elizondoarra nagusitu zen, ihes egindako taldetxotik azken itzulian ihes eginda. Lasterketako laburpena eta Iñaki Ordokiri egindako elkarrizketa ondoko bideoan.
Ordokik 2 ordu, 21 minutu eta 29 segundo behar izan zituen ibilbidea osatzeko. Tamirat Navarro (ELE) izan zen bigarren 44 segundora eta Eneko Orteaga (BES) hirugarren, 46 segundora. Taldeka ere Lizarte izan zen garaile.