Amaiurko Sokatira Taldeak sokatira torneoa eginen du ekainaren 11n herrian, «Euskal Herri guzitik etorritako taldeez disfrutatzeko». 17:00etan izanen da torneoa, dohainik. Ondotik, 21:00etan, herri afaria eginen dute eta eguna ongi akitzeko, kontzertuak eta gaupasa izanen dira gauerdian hasita; Unidad Alavesa, Los Zopilotes Txirriaos eta DJ Bull izanen dira oholtzaren gainean.
Afariak eta kontzertuak edukiera mugatua izanen dute. Kontzertuak bakarrik ikusi nahi dituztenek sarrerak 8 eurotan izanen dituzte salgai egunean bertan. Afari eta kontzerturako txartelak 30 eurotan egonen dira salgai laster.