Haur Eskolei eta Aroztegiko erresistentziari babesa agertu die Porrotxek Baztanen

Porrotx pailazoak babesa eman zien 0-3 haur eskolei. Argazkia: Juan Mari Ondikol

Porrotx pailazoak bisita bikoitza egin zuen asteazken arratsaldean Baztanera. Batetik, eskualdeko haur eskolek Nafarroako 0- 3 plataformak deitutako greba mugagabearekin bat egin dutela eta bere atxikimendua adierazi nahi izan zien haur eskoletako langileei. Bertzetik, Lekarozen, Aroztegiko proiektuaren kontrako erresistentziaren lehenbiziko urteurrenaren harira antolatutako ekitaldian parte hartu zuen.

0-3 urteko haurrek eta gurasoek arratsalde ederra pasatu zuten Porrotxekin. Ondikol.

Haurrekin irri eta jolas aritu zen, ipuin bat kontatuz. Ondotik, haur bakoitzak eramandako harria margotu zuen, ametsak irudikatuz, eta iaz Porrotxek, Txapasekin batera Lekarozera egindako bisitan landatutako gereziondoaren inguruan haurrek margotutako harriak jarri zituzten. Arratsalde ederra pasa zuten denek.

Lekarozen ere izan zen Porrotx Aroztak herri-ekimenarekin bat egiteko.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun