Aroztegiko proiektuaren kontrako erresistentziaren lehenbiziko urteurrena ospatzeko, egun osoko egitaraua antolatu du Aroztak herri ekimenak maiatzaren 14an Lekarozen. Goizean fanfarrea izanen da herrian, 11:00etan ipuin-kontalaria izanen dute eta mural margoketa ere eginen dute. 14:30ean zikiro jatea eginen dute, menu barazkijalearen aukerarekin, eta bertsoa saioa ere izanen da. 18:00etan kalejira izanen da herritik barna Kinbonbo Brass Banden eskutik, eta egunari akabera emateko, kontzertuak izanen dira 22:00etatik aitzinera. Leizeak, Burutik, AFU eta DJ Kazeruerk izanen dira oholtzaren gainean. Afaltzeko bokatak erosteko aukera ere izanen da.
Zikiro jaterako txartelak salgai egonen dira maiatzaren 8ra arte Lekarozko Hiru-Iturri ostatuan, Elizondoko Intza eta Txokoton, Arizkungo Dolaetxean eta Erratzuko Zubi-Puntan. Zikiroaren prezioa 25 eurokoa izanen da, menu barazkijalearena, berriz, 20 eurokoa.
Porrotx Lekarozen
Maiatzaren 11n, berriz, haurrek Porrotxekin kantatzeko eta jostatzeko aukera izanen dute herrian. 17:00etan hasiko da ikuskizuna.