Heldu den denboraldiko jokalari berriak aurkitzeko helburuarekin, BRT Menditarrak klubak deialdia egin du. Honela, ortzirale honetan, apirilaren 30ean, eta maiatzeko lau ortziraletan (maiatzak 6, 13, 20 eta 27), entrenamenduak eta errugbi 7ko partidilloak eginen dituzte, probatu nahi duen publiko guztiarentzat irekiak. Egunotan hitzordua 20:00etan izanen dute Lekarozen.
BRT Menditarrak taldetik aipatu dutenez, helburua ongi pasatzea eta errugbia probatzea da eta 18 urtez beheitikoei, seniorrei, jokalari ohiei eta, batez ere, kirol hau probatu nahi duen jendeari irekia da. Kirol arropa eta gogoak eramatea aski da eta entrenamenduaren ondotik, hirugarren denbora ere eginen dute.