Arizkundarrak prestatzen hasiak dira Arizkun Rock jaialdiaren edizio berri batendako eta zortzigarren edizio honetan lau talderen partaidetza iragarri dute. Drunken Barrels talde baztandarraren musika irlandarrak girotuko du herria 17:00etan, ilunabarrean The Lio punk rock talde iruindarra izanen da oholtzan, eta haien ondotik Skakeitan taldeaz gozatzeko aukera izanen da. Jaialdia hesteko, Tirri&Tery DJ baztandarrak izanen dira, haien azken bira egiten ari direnak.
Ekainaren 24an Arizkungo plazan ospatuko da jaialdia, guztiz doan, «musika horrela ulertzen dugulako; handia, zabala, librea». Doako kanpalekua eta bokatak erosteko aukera ere izanen da nahi duenarendako.