Martxoaren 26an Hernaniko XV. Txistulari Txapelketa ospatu zen eta bertan parte hartu zuten Ion Irazoki txistulariak Iruritan ikasle dituen lau gaztek: Ane Etxandik, Mikel Alzatek, Aitor Ripak eta Eneko Irazokik.
A kategorian aritu ziren laurak, 12 urte bitartekoa eta «sorpresa ederra» izan zuten, 15 partaideren artean lehenbiziko saria Aitor Ripak lortu baitzuen eta bigarrena Eneko Irazokik. Hirugarrena Katalin Etxebarria bizkaitarrarendako izan zen. B kategorian, 13-16 urte bitartekoa, bertze hiru sari banatu zituzten; Janitz Enparantza donostiarra izan zen garaile, Izar Inbuluzketa iruindar-baztandarra bigarren eta Imanol Liendro bizkaitarra hirugarren. Zorionak denei!