Emakumearen Nazioarteko Eguna hurbiltzen ari dela, Nafarroako Teknikarien Sareak komunikazio-kanpaina prestatu du 'Kontziliaziotik zaintza erantzunkidera: eraldatu irtenbidea aurkitzeko' leloarekin. Hainbat ekimen antolatu ditu Berdintasun Zerbitzuak eskualdean Mugimendu Feministarekin batera kanpaina horren barnean:
- Martxoaren 6an, igandea: Amak taldearen kontzertua Arizkunenean 19:00etan. Baztango Udaleko Kultura Zerbitzuak antolatua
- Martxoaren 6an, igandea: Emakumeen Nazioarteko Eguneko eskualdeko mobilizazioa, Beran. Mendi buelta, bazkaria, lema lehiaketa, karriketan aldarriak, eskulanak elkarlanean, musika… Mugimendu Feministak antolatua
- Martxoaren 8an, asteartea: Kontzentrazioa Elizondoko plazan, kalejira gaztetxeraino eta afari-merienda norberak berea eramanda. Mugimendu Feministak antolatua.
- Martxoaren 15etik apirilaren 1era: Emakumeak eta zainketak: Iruñeko beste argazki memoria bat erakusketa Arizkunenean Berdintasun Batzordeak antolatua.