'Errekak bizi-iturri… agortzen?' mintzaldia antolatu du Baztango Talde Ekosozialak. Martxoaren 17an izanen da ekitaldia, 19:00etan Arizkunenean, Miel Mari Elosegi leitzarraren eskutik, mendizaina, biologoa eta ingurugiro teknikaria.
Errekak solasgai
Talde Ekosozialak adierazi duenez, «azkeneko urteetan mendietako erreka eta iturburuei buruzko kezka pizten ari da herritarren artean. Iturburuak eta errekak agortzen ari ote diren euri guttiago egiten duelako, edo egiten duen euria desberdin egiten duelako... Aldi berean, uraren kontsumoak goiti ari duela iduri du, eta ur hori mendietako erreketatik hartzen da».
«Kezka horiek kontuan hartuta eta erreken ekosistemak bizitzarendako duen garrantzia ikusita, Miel Mari Elosegi 'Luze' mendizain eta biologoarekin mintzaldia antolatu du Baztango Talde Ekosozialak. Krisi ekologiko eta klimatiko garai honetan gure inguruan gertatzen ari diren aldaketak ulertzeko eta horietarat egokitzeko».