Baztango neska* gazteen taldeak hainbat jarduera egin zituen larunbatean Elizondon. Hasteko, maitasun erromantikoari buruzko tailerra izan zuten Baztango Gaztetxean. Gero, mural bat margotu zuten, Feminismoak babesten gaitu! leloarekin. Ondotik, neskendako afaria egin zuten gaztetxean eta eguna borobiltzeko, Kai Nakairen kontzertua eta guatekea izan zuten gauean.
Otsailerako jarduera gehiago prestatu dituzte Baztango Talde Feministarekin, Gazte Asanbladarekin eta Udalaren laguntzarekin. Otsailaren 18an ligoteo sanoaren inguruko tailer ez-mistoa eginen dute neskendako Arizkunenean 17:00etan. Gizonendako, berriz, maskulinitateari buruzko lantegia izanen da otsailaren 15ean eta 22an gaztetxean 18:00etatik 20:00etara, Hiruki Larroxaren eskutik.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.