Iruritako Herriak jubiloteka zerbitzua martxan paratu nahi du herriko adindunei «aisialdi aktiboa lantzeko espazio bat eskaintzeko» eta «jubilatuek kulturaz, aisiaz eta giza harremanez gozatzeko kalitatezko eremu bat» izan dezaten. Bertan ariketa fisikoa, estimulazio kognitiboa, solasaldiak eta bertze hainbat jarduera eginen dituzte.
Honi buruz gehiago jakin nahi dutenentzako, bilera informatiboa eginen dute otsailaren 14an 10:00etan Erreboteko plazako Erdiz gelan.