Baztan Hobetzen ekimenak parte-hartze tailerrak eginen ditu bailarako lau kuarteletan

Ttipi-Ttapa 2022ko urt. 20a, 16:00

Urtarrilaren 28an eta 29an eta otsailaren 4an eta 5ean izanen dira lau saioak

Baztan Hobetzen Baztango Herriguneak berroneratzeko planak diagnostiko tailerrak eginen ditu hurrengo asteburuetan lau kuarteletan. Herritarren iritziak biltzea izanen dute helburu, eta herrigune historikoak hobetzeko proposamenak egiten ahalko dituzte bertaratzen direnak.

Lau saio eginen dituzte:

  • Baztangoiza: Urtarrilaren 28an, 18:30etik 20:30era Arizkungo Medikuaren Etxean
  • Erberea: Urtarrilaren 29an, 11:00etatik 13:00etara Iruritako Gizarte Bilgunean
  • Basaburua: Otsailaren 4an, 18:30etik 20:30era Almandozko Batzartegian
  • Elizondoa: Otsailaren 5ean, 11:00etatik 13:00etara Elizondoko Arizkunenea Kultur etxean

Hiri Jarduketarako Plan Bereziaren bigarren fasea da hau, «azterketa teknikoaren eta parte-hartzearen emaitzak biltzen dituen diagnostikoa egin ondoren, parte hartzeko lau tailer eginen dira, HJPBren aurreproiektuan proposatutakoari herritarren planteamendu alternatiboak eransteko».

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun