Ekonomia sozialaren inguruko topaketa eginen dute Elizondon azaroaren 19an, 09:30etik 15:30era, Arizkunenea Kultur etxean. Etorkizunerako proiektu komunez arituko dira, lau puntu kontuan hartuta; material komun fisikoak sortzea, material gorpuzgabe komunak sortzea, elkarrekin partekatzeko plan bat bilatzea eta «Open Street Maps» eskutan hartzea. Hainbat eragilek adibide eta gogoetak partekatuko dituzte; Sustenguk, Etxaldek, Tantaik, Mycroftek, Teritoriok, Naosek, Renouveau Paysanek…
Baztango Udalak, OlatuKoopek, Hemen Elkarteak, ALB Formazioak eta Andere Nahia Elkarteak antolatu dute ekitaldia. 2019an egin zen lehenbiziko topaketa Hendaian eta aurten bigarrena izanen da. Izena emateko, egin klik hemen.