Nafarroako Abesbatzen Elkarteak antolatu du emanaldia, 'Bidea eginez' Donejakue bidearen inguruko kontzertu sailaren barnean. Pelegria naizela antzinako doinuarekin hasiko dute kontzertua, Amaia Cordoba pianistak sortutako moldaketan. Gero, bertze hainbat erlijio-doinu eta abesti herrikoi aditzeko aukera izanen da, euskal kanta kuttunenak barne.
Mendi Abesbatzako abeslariez gain, Arantxa Ziganda, Alicia Telletxea eta Xalbador Arriola bakarlariek kantatuko dute, eta Amaia Cordoba pianista eta Liesbeth Baelus eta Yorrick Troman biolinistek ere joko dute. Joko dituzten partitura gehienak emanaldi honetarako espreski moldatu eta prestatu dituzte guztien artean.