Nafarroako arpana txapelketa mistoaren finala jokatu zuten urriaren 9an Larraintzarko pilotalekuan, Ultzaman. Lau bikote aritu ziren, etzanda jarritako 45 ontzako enborrean hamabi epai eginez. Kanporaketan bezala, finalean ere nagusi izan ziren Eltsoko Ainhoa Iraizoz eta Iraizotzeko Josetxo Barberena eta beraiek jantzi zuten txapela. 5 minutu eta 44 segundo behar izan zituzten lana burutzeko. Lekarozko Sela Goñi eta Jesus Goñi izan ziren bigarren (6.09) eta Dani Saldias arraioztarra eta Antsoaingo Irune Biurrun hirugarren (6.26).
Azkarateko Olatz Altuna eta Beteluko Josu Elizalde laugarren izan ziren (7.51).