Baztan-Bidasoko eremu osoari zerbitzua emanen dion Oronoz-Mugairiko Lanbide Heziketa zentro integratuaren eraikuntza lanak 2022. urtean hasiko dituzte. Halaxe jakinarazi zuen ortzegunean Nafarroako Parlamentuan egindako agerraldian Carlos Gimenok, Nafarroako Gobernuko Hezkuntza kontseilariak. Gisa honetara, 2023-2024 ikasturtea ikastetxe berrian hasteko modua izanen dute ikasleek.
Proiektua arautuko duten pleguak idazten ari dira eta urte bukaerarako edo heldu den urte hasierarako prest egonen direla aipatu zuen Gimenok, Izquieda-Ezkerrak parlamentuko batzarrean egindako galderari erantzunez. «10 milioi euro baino gehiago gostako da zentro berria egitea», aipatu zuen kontseilariak.
Proiektua 2022an esleitzea espero du Nafarroako Gobernuak eta urte horretan berean lanak hastea.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.