Klimaren aldaketarengatik, Elosegik gero eta erauntsi bortitzagoak izanen ditugula ohartarazi zuen. Hortaz, uberroak handiago eta maizago izanen dira, ekarriko dituzteen kalteekin. Kalteak arintzeko eta prebenitzeko lana egitea beharrezkoa dela azaldu zuen; uhaldeak herrian sartu baino lehen zabaltzeko eta gainezka egiteko tokiak behar ditu. Kalteak ttikitzeko, Txokotoko presaren zati bat bederen bota beharko dela ere ohartarazi zuen, uraren maila jausteko.
Bertze hainbat kontu izan zituzten solasgai, hala nola, uhalde bazterretan zuhaitzak egotearen garrantzia, nekazaritzako ur-zikinen %30a uhaldera ailegatzen dela eta kutsatzaile berrien eraginek sortutako kezkak. Araztegiek ez dituzte botiken arrasto guztiak kentzen ahal eta Elosegik adierazi zuenez, «uhalde bizi batek, ur-lasterrekin, uhalde bazterreko zuhaitz, sasi eta itzalekin, enborrekin… ura garbitu eta arazteko ahalmen handia du».