Oihanek eta Maiderrek girotutako kalejiraren ondotik, frontenis txapelketa izan zuten haurrek, eta gazteek zopak.
Larunbatean, Euskal Herriko dantzari egunaren baitan, goizean goizetik gaitariak ibili ziren herrian barna. 12:00etan Arabako Jare dantza taldeak ikuskizun polita eskaini zuen herriko bi tokitan: Plaxa Zarren eta frontoian. Ikuskizunaren ondotik, dantzari taldekoek herritarrekin dantzan segitu zuten, aski giro goxoan.
Larunbatean, Euskal Herriko dantzari egunaren baitan, goizean goizetik gaitariak ibili ziren herrian barna. 12:00etan Arabako Jare dantza taldeak ikuskizun polita eskaini zuen herriko bi tokitan: Plaxa Zarren eta frontoian. Ikuskizunaren ondotik, dantzari taldekoek herritarrekin dantzan segitu zuten, aski giro goxoan.
Bazkaldu eta gero, musa, boneta jaurtiketa eta herritarren arteko jostetak izan ziren: zapi jokoan eta aulki dantzan gustura aritu ziren haur, gazte eta helduak.
Igandean urtero bezala, –iazkoa kontuan hartu gabe– paella lehiaketa izan zen. Aurten lehenbiziko aldiz prestatzaile nagusiak haurrak izan ziren. Talde bakoitzean heldu bat eta bina haur izan ziren, irabazleak berriz, parte-hartzaile guztiak izan ziren. Bazkalondoan aurten ere ezusteko polita eskaini zuten haurrek, herritarrendako prestatutako ikuskizun ederra izan baitzuten. Bestak hasi aitzinetik entsaiatzen aritu ziren, eta etxez etxe gonbidapenak partitu ondotik, igandean, paella jatearen ondotik, zirku ikuskizun ederra egin zuten. Zirkua akituta, urtero bezala, bingoa. Aurten gainera, mediku eta erizainaren larruan aritu ziren bingoaren antolaketa daramaten Asier eta Aitor. Bingoan bildu zen sosaren irabazlea Oihan izan zen.
Bingoa, musa, jostetak... eta akitzeko, larunbatean bezala, igandean ere gorputza mugitzeko aukera izan zuten aniztarrek, aspaldiko partez dantza egitea libre baitzen. Hauspolariek taldearen musikarekin dantzan eman zioten bestari akabaila.