Gazteen laxoa txapelketako finala jokatu zuten larunbatean Arraiozko plazan: Irurita A (Jon Sagaseta-Beñat Mariezkurrena-Hegoi Iturregi-Hodei Aleman) izan da txapeldun, 9-1 irabazi baitio Oizi (Xuban Ilarregi-Mikel Mikelarena-Aimar Ariztegi-Marko San Miguel).
Sariak banatzen Joselu Retegi (Arraiozko alkatea) eta Javier Conde (Nafarroako Pilota Federazioko Lehendakaria) izan ziren.
Kopako finalistak erabakiak
Bertzalde, igandea Arraiozko plazan jokatu zuten Laxoa Kopa txapelketako bigarren finalerdia. Azken orduan aldaketa batzuk izan dira taldeetan: Mikel Mindegia (Arraioz)-Josu Juanena (Doneztebe)-Joseba Juanenea (Doneztebe) eta Laurendi Zelaieta (Oiz) laukoteak erraz nagusitu zen, 9-1 irabazi baitzion Ioritz Zelaieta (Oiz)-Aitor Zubigarai (Arraioz)-Jon Gamio (Arraioz) eta Javi Apeztegia (Doneztebe) laukoteari.
Finala urriaren 2an
Datorren larunbatean, urriak 2, 17:00etan finala jokatuko dute igande honetako irabazleek Xabi Bengoetxea (Arraioz)-Ramontxo Etxebeste (Doneztebe)-Iñaki Etxandi (Irurita)-Aritz Alunda (Arraioz) laukotearen kontrale