Kurtso berria hasteko, Baztango Neska* Gazteen taldeak, Baztan Iñarrosik, taldearen aurkezpena eginen du Elizondoko Amezti elkartean. Ondotik, Euskal Herriko Neska* Gazteen Baterajotzea ekimena aurkeztu eta azalduko dute, aurten Elizondon eginen dena urriaren 9an eta 10ean. Ekitaldia borobiltzeko, Mugimendutik Lurrikarara dokumentala proiektatuko dute, aste honetan Euskal Herriko Neska* Gazteek estreinatuko dutena.
Mugimenduan gaude, lurrikara gara
Urriaren 9an eta 10ean Elizondon eginen dute Euskal Herriko Neska* Gazteen Baterajotzea. Bertan, «bizi dugun krisi anizkoitzari nola erantzun» hausnartuko dute, aurrera begira dituzten erronkak identifikatu eta «borroka molde berriak» sortzeko helburuarekin.